d Hiehner 1

Ich bi dr Schorsch vom Haafebeggi II

mir goots sauguet s lauft wiider ywandfrey de hai

waisch mit dr Frau nur dinne hogge duet mr gruuse

doch jetze dörfe wiider alli Hiehner use

Nach oben

d Hiehner 2

Und jetze liis ich in dr Zytyg s isch zum gryyne

ab sofort mien jetz alli Hiehener wiider yyne

das  yyne use duet für mii no d Laag erschwääre

ich waiss bald nümmi wye ichs Mynere sell erklääre

Nach oben

dr HaMaTschu

Syt syym Ysebäänlertschop isch nüt me loos

kai Schwanz me kennt dä HaMa Tschudi uff dr Schtrooss

kumm jo nümm in d Regierig zrugg blyyb du dehaime

denn s isch e fertige Saich e Värs uff Tschudi raime

Nach oben

dye neuje Buesse

Hesch gwüsst dass sy dye neuje Buesse grad kassiere

sait my Frau: dye duet my total irritiere

sy sait : wenn noochhär uss dr Baiz kunnsch, heschs begriffe

no kunnts saudüür wenn wiider duesch an Egge schiffe

Nach oben

dr Guschpä

dr Guschpä isch e Fän vo dr Grup Mütüel

wenn är nümm Bundesroot isch griegter dört e Stell

ganz ohni Lohn das isch so abgmacht kaschen frooge

är haig als Bundesroot vo dääne scho bezooge

Nach oben

dr Elten Tschon

syt zwai Moonet ha ich bständig nur gschtudiert

wye so het jetz dä Elten Tschon e so pressiert

jetz ha nis duss und waiss jetz au dr woori Grund

an synere diggi a isch Zyt dass s Buschi kunnt

Nach oben

dr Babba Benediggt

dr alti Papscht isch wye ne Brueder gsi für mii                       

und jetz dr Benediggt ..... dä sait mir wiider ...Sii

drumm ha nem gsait : wenn ich nümm sing hän sii dr Drägg

no sinn au Sii e molle gly vom Fänschter wägg

Nach oben

dr Cris von Röhrli

Ich bi Yglaade gsi … do muess me aifach go

zum Chris von Rohr an syny erschti Leyt Neid Scho

und dörte fallt mr uff e Spruch grad über sym Tisch

  Wär kai Hirni het ... dä zeigt halt ... was er isch 

Nach oben

d Fuessball WM

Bevor ich d Schruube mach due ich no „Schpinnsch Hösch „ lalle

wo mir dä Türgg z mittst uff dr Brugg duet aini knalle

nur welli zue nem gsait ha ... also das vermueti

ich wünsch dr denn für d WM z Dütschland alles gueti

Nach oben

ein ussem Vatikan

Jä ussem Vatikan het me do letscht erfaare                          

Schwuuli au Hetero dye keye durchs Verfaare

e Prieschter dörfi weeder Vogel sy no Fisch

ain wye dr Koch wär guet wo kains vo baidem isch

d'Bängg..