dr Schorsch

Ich bi dr Schorsch vom Haafebeggi II

e Vertrag vom Haafe ligt bi mir de hai

wells kain me hett hätt ich Diräggter wärde selle

doch mainsch my Frau dye haig d Personeschiffahrt welle

Nach oben

d Kontrolle

Ich faar voll in d Kontrolle s isch mr gar nümm wool

wo mir dä Schugger sait : do schmeggts nach Alkohol

drumm saagem bim bloose : stöön sy nit so nooch an mii

sunscht ha ich z letscht e mänd no plötzlig mee als sii

Nach oben

d Sofia

My Frau het dupfeglych, das isch doch e Uffschteller

wye d Sofia Loren au e 70ger uffem Zeller

drumm ha nere gsait : es duet mr innerlig scho wee

wenn scho glych alt bisch könnsch jo au e so ussgsee

Nach oben

FCB

Jeedi Nacht ha ich e Alpdraum ganz e schlimme

immer wiider höör ich fremdi, böösi Schtimme

ich syg uffem Wäg zur Höll und nümme z rette

do ha ich gwüsst bisch uffem Baanhof vo Altstette

Nach oben

dr Monolyt

My Noochber waisch no dasch dä mit em Monolyt

wo ich dä triff do saiter … so jetz simmer gyt

jetz grabt dä Lappi doch dä alt Saich wiider füüre

mainsch wo ich haim kumm schtoot e Mirasch vor dr Düüre

Nach oben

Vatikan

dye vyle Usstritt uss dr Kirche sinn normal

ganz bsunders d Katoligge hän e hochi Zaal

was mainsch worum dass dääne dr Kirchgang so vergoot

well me dye Schprooch vom Vatikan fascht nümm verstoot

Nach oben

Rauchverbott

do in dr Schwyz fangts bald mit Arbetsplätz a glemme

wenn dye z Italie unde nümmi dörfe flemme

ich main wenn dye in allerrue wänn aini paffe

no kömme sy wiider loogischerwyys in d Schwyz go schaffe

Nach oben

My Frau

jee bi ich hässig und das zaig ich mynere Frau

scho schtundelang macht sy vor mir e Moodeschau

wo sii am Schluss no froggt: wye gfall dr in dämm Glaidli

do ha nere gsait : wye aini ussem Saalewaildli

Nach oben

Stadtcasino

Ich ha ganz eerlig Schiss ich will do gar nit liege

vo dääne Jänggis wo in Bagdad ääne griege

wenn me was nur Irakisch döönt scho zämmehaut

isch s gfäärlig wenn so öbber s Schtadtcasino baut

Nach oben

dr Rotscher

Ich find Tennis ooni Federer isch doch faad

dass är verletzt isch an dr Swissindoors isch schaad

drumm froog ich aifach e moll so : was maine Sii

gäll : ooni Federer isch wye Fasnacht ooni mii

d'Bängg..