dr Schorsch

Ich bi dr Schorsch vom Haafebeggi II

gescht stoot e Richter vor dr Tür bi mir dehai

wo är mir sait är sygy ain vom Bundesgricht

do isch my erscht Beweegig sofort d Hand vors Gsicht

Nach oben

dr Noochber

Ich ha my Noochber syt am Afang uff dr Latte

dä het e Baum pflanzt und dä git mir jetze Schatte

jetz griegt er au e Gschängg vo mir dä sell nur warte

ich kauf dr Monolit dä stell ich denn in Garte

Nach oben

dr Basilisk

genau grad vor em Huus ich main das muesch erlääbe

duet e Basilisk am Helikopter schwääbe

ich rief duruff du muesch an Bahnhof uffe bloche

ich bruuch kai zwaite Drache myne isch am koche

Nach oben

My Ängel

My allerliebschte Ängel isch und blybt my Frau

dass sy my Ängel isch das waiss sy ganz genau

nur wenn sy hässig isch und amme so duet bogge

no wär ich froh sy dääti uffem Münschter hogge

Nach oben

uff dr Gass

Mii quatscht do letscht e schwarze Maa a uff dr Gass

zerscht ha ich dängg dä schwätzt so glunge macht dä Schpass

doch plötzlig fahrts mir y das döönt doch nur so glunge

dä schtööre sicher e baar Küügeli unter dr Zunge

Nach oben

dr Ibrahim Ben Ali

dr Ibrahim Ben Ali wird uff jeede Fall

ussgwiise und muess wiider zrugg nach Senegall

doch nach 72 Schtund wie simmer froh

isch au dr Ibrahim Ben Ali wiider do

Nach oben

dr Star

So kurz im Bundesroot und scho isch sy e Schtar

ich main d Frau Calmi-Rey vom Ussgsee här ischs klar

doch dass sy e Schtar isch waiss ich aigentlich erscht syt geschter

wo aine rieft : dört lauft im Dimitri sy Schweschter

Nach oben

im Bad

Ich ha e Traum ich hogg im Schtadion im Bad

als Speidergöörl schtoot d Gigi Ööri scho barat

und denne duet sy voll so uff my uffe schpringe

was mainsch was ich jetz für e Pointe könnti singe

Nach oben

s Wätter

Jeede Obe vor em Färnsee due my freue

und zwar uffs Wätter vorgschtellt vo de baide neue

"die Temperatoren schtinggen und zahlreuche Reute

scheifeln Schnuu weils wieder gschnyyd hat bis zum heute"

Nach oben

d Garderobe

d Frau Dreyfuess drait an ihrem allerletschte Obe

e wunderschööni schampar düüri Garderobe

ich ha zue ihre gsait : was mii no Wunder nimmt

wye so goosch jetze wo d Verpaggig ändlig schtimmt

Nach oben

d'Bängg..