dr Schorsch

Ich bi der Schorsch vom Haafebeggi II 

mi Frau het gsait : jetz bringsch mr 12 Millione hai

denn was dä Corti macht kasch du genau so bringe

sofort kassiere und denn nit ai Zyyle singe

Nach oben

Euro
Euro

Euro

e neue Schüpp will myny und es därf nüt koschte 

drumm simmer zämme gescht im Dütsche Stoff go poschte

6 Meter 40 liggt vor ihre uffem Tisch

do froggts my: wye vyyl Meter das in Euro isch

Nach oben

Armee
Armee

Armee

im neue Laitbild jetz vo unserer Armee 

do wird's uff jeede Fall zwai neuyi Reegle gee

gstriche wird dr 100 Kilometer-Marsch

drfür früsch yygfiert hänn sy jetz dr Schutt in Arsch

Nach oben

BLT
BLT

BLT

dye neu y BL T -Reklame isch dye myys 

nur aimoll no umstyyge Rodersdorf -Paris

das syg total verkeert hänn sich d Franzose gweert

s haig mee Pariser z Rodersdorf als umgekehrt

Nach oben

FCB

FCB
FCB

Im Kaader het dr FCB so Spiiler dinn 

wo me nit waiss uss welle Länder dass dye sinn

zum Byspyl vorne spiilt dr lang Kumantarakis

s ainzig mit Sicherhait wo d waisch es isch kai Waggis

Nach oben

Swissair

Swissair
Swissair

Ich ha my Woonig tabeziert und find sy irr 

Tabeete sinn so gail d Idee stammt au vo mir

ich ha dye düürschti aane knallt mit aigne Händ

jetz hange alles Swissair-Akzie an de Wänd

Nach oben

BVB

BVB
BVB

an dr Muschtermäss do setti ussem Tramm 

ich land am Claraplatz bim Altershaim zum Lamm

d Haltstell ha ich verbasst ich main dasch mir e Leer

hüt faart doch jeede Dotsch an d Exhibischen -Squer

Nach oben

IV

IV
IV

ich stand am IV-Schalter und will äbbis frooge 

do het my e ganz alte Maa am Ärmel zooge

Hay Tschortsch sait är und ich verschregg: jetz kennt dä mi

und wo ni gnau lueg ischs dr Maickel Tschäggsen gsi

Nach oben

TV3

TV3
TV3

dr Sänder TV 3 hett laider laider gschlosse 

dangg ihm ha ich bis jetz my Lääbe richtig gnosse

doch syt jetz d Frau dä Sexi-Sänder nümm ka gaffe

muess ich als Räntner plätzlig wiider afo schaffe

Nach oben

Queen

Queen
Queen

d Queen Mum vo Ängland isch mit hunderteins no fyt

sy will als Gschängg zum Papscht uff Rom es wääri Zyt

jetz gseh ich scho das Bild wo me denn ihre schänggt

linggs dr Stägge,rächts dr Papscht wo annere hängt

Nach oben

Schugger

Schugger
Schugger

sy sinn bedrungge sait e Schugger : kämme sy mit 

ich hanem gsait : kunnt nit in Froog,das goot jetz nit

ich ha no ebbe siibe Schämpis- Taxi-Fahrte

denn kumm y zrugg und nimm dy mit -au du muesch warte

Nach oben

d'Bängg..